"Det er i alt du elskar du har din heilagdom", skriv Knut Buen. Han er busatt i Tuddal i Telemark, fødd i 1948. Det er ikkje berre hardingfela og folkemusikken han elskar. Skaparhugen, i eigen person, deler frå eigne essay, artiklar, dikt, bilete, "rosur" og måleri i denne boka. Lik Oskeladden i eventyret deler Buen frå si rikhaldige niste av tankar, kjensler og undring.

Eit utval av Buens verk over dei siste femti år er å finne i Skaparhug - sett saman av initiativtakar og medforfatter Annfrid Berget Haukeland.

"Denne samlinga av tekster og måleri viser spennvidda, mangfaldet og djupna hjå denne store og viktige kunstnaren. Her er livsvisdom og refleksjonar om smått og stort i livet, uttrykt med alvor og humor, til ettertanke og inspirasjon for oss alle"

- musikar og komponist Sigmund Groven